2013

Meistaramót GKS ķ holukeppni veršur meš sama móti nś ķ sumar og ķ fyrra.   ·       5 rišlar (fer eftir skrįningu) ·       9 holu holukeppni ·      

Holukeppni

Meistaramót GKS í holukeppni verður með sama móti nú í sumar og í fyrra.

 

·       5 riðlar (fer eftir skráningu)

·       9 holu holukeppni

·       Leikmenn ráða hvenær spilað er (innan tímamarka umferðar)

o   Ekki er leyfilegt að fresta umferð framyfir tímamörk

o   Gefa þarf leikinn (eða semja um jafntefli) ef annar spilarinn hefur ekki tök á að spila

·       Forgjöf er mismunur vallarforgjafar  (hámark 1 högg á holu)

·       Vegna þess að spilaðar eru 9 holur þá er notaður helmingur vallarforgjafar (hækkað að næstu heilu tölu)

·       Úrslitum skal skilað til vefstjóra með því að senda tölvupóst á netfangið vefstjoriGKS@gmail.com, hringja eða senda SMS í síma 660-1028 (Kári Arnar) í síðasta lagi daginn eftir að umferð skal lokið annars verður kastað uppá úrslitin. Þessum úrslitum fæst ekki breytt.

·       Sá sem tiltekinn er á undan í leikröð skal hefja leik á fyrsta teig og er ábyrgur fyrir að koma úrslitum til vefstjóra. Hinn aðilinn má að sjálfsögðu taka það að sér skv. samkomulagi.

 

Vinsamlegast skráið ykkur í með því að hafa samband vefstjóra við með því að senda tölvupóst á netfangið vefstjoriGKS@gmail.com, hringja eða senda SMS í síma 660-1028 (Kári Arnar).

 

Síðasti skráningardagur er kl 23:30 þann 19. júní 2013. Riðlar og umferðir verða klárar fyrir kl 20:00 fimmtudaginn 20. júní. Ekki verður mögulegt að skrá sig í holukeppnina eftir að skráningarfrestur er útrunninn. Engar undantekningar verða gerðar á því.

 

3 efstu keppendurnir í hverjum riðli komast áfram í 16 manna úrslit. Einnig kemst stigahæsti keppandinn í 4 sæti (óháð riðlí) áfram. Ef einhverjir verða jafnir að stigum í 4 sæti þá eru það fjöldi hola í plús eða fæstar holur í mínus sem gilda. Ef einhverjir verða ennþá jafnir eftir það þá verður varpað hlutkesti um hver kemst áfram.

 

Röð keppenda í riðlunum ræður hverjum þeir mæta í 16 manna úrslitum.

 

Í holukeppninni þá verður miðað við forgjöf kylfinga eins og hún er 20. júní 2013.

 

Tímatafla

 

1. umferð skal lokið fyrir 1. júlí.

2. umferð skal lokið fyrir 15. júlí.

3. umferð skal lokið fyrir 29. júlí.

16 manna úrslitum skal lokið fyrir 12. ágúst.

8 manna úrslitum skal lokið fyrir 19. ágúst.

4 manna úrslitum skal lokið fyrir 26. ágúst.

Úrslitaleikir um 1.-3. sæti fara fram 1. september kl 10:00.

 

 

Meistaramót GKS í holukeppni

 

Leikmönnum er raðað niður flokka eftir styrkleika (forgjöf), þannig að fjórir forgjafarlægstu kylfingarnir verða í fyrsta styrkleikaflokki og geta því ekki lent saman í riðli, næstu fjórir verða í öðrum styrkleikaflokki og svo framvegis. Þegar búið er að raða leikmönnum í styrkleikaflokka verður dregið fjóra í riðla. Spiluð verður 9 holu holukeppni þannig að allir spili við alla innan hvers riðils. Leikmenn ráða hvenær þeir spila sína leiki innan þeirra tímamarka sem gefin verða til að klára hverja umferð, sem verður ein til tvær vikur á milli umferða. Tvö stig verða gefin fyrir sigur og eitt stig fyrir jafntefli. Klára verður 9 holur þar sem fjöldi hola sem leikmaður er yfir eftir leikinn telur. Ef annar leikmannanna er tveimur holum yfir eftir leikinn þá fær hann tvö stig og tvær holur í plús, en hinn fær ekkert stig og tvær holur í minus. Ef tveir eða fleiri leikmenn eru jafnir að stigum þá telst sá ofar í riðlinum sem er með fleiri holur í plús, eða færri í mínus. Mótsstjórn gefur upp fyrir hvaða tíma skal hefja leik í hverri umferð, ef leikmenn hafa ekki komið sér saman um að hefja leik innan þessara marka skulu þeir vera mættir á teig á þeim lokatíma sem mótsstjórn hefur gefið upp. Mæti annar leikmanna ekki þá telst hinn hafa sigrað viðureignina með fjórum holum og fær þá tvö stig og fjórar holur í plús og hinn ekkert stig og minus fjórar holur, mæti hvorugur leikmanna til leiks þá fær hvorugur leikmannanna stig og fjórar holur í mínus. Forgjöf keppenda í mótinu miðast við löglega forgjöf við skráningu í mótið. Keppendur fá upplýsingar um hvor annan og bera síðan ábyrgð á að keppni þeirra verði lokið fyrir tilskylda dagsetningu og að tilkynna mótsstjóra úrslitin. Spilað verður í sameiginlegum flokki karla og kvenna með fullri forgjöf, þ.a. forgjöf mismunur vallarforgjafar (helmingur vallarforgjafar, hækkað að næstu heilu tölu) keppenda en að hámarki eitt högg á holu. Eftir riðlakeppnina hefst 16 manna útsláttarkeppni þar efsti leikmaður í riðli A leikur við þann neðsta í riðli B o.s.frv. Sigurvegararnir úr þeim halda áfram í 8 manna úrslit. Sigurvegararnir þar halda svo áfram í 4 manna úrslit og sigurvegararnir úr þeim spila um meistaratitilinn en þeir sem tapa um 3ja sæti. Ef þátttakendur verða færri en sextán hefur mótsstjórn heimild til að fækka riðlunum niður í tvo eða þrjá eftir fjölda skráninga.

 

Hér fyrir neðan má sjá reglur um holukeppni eins og þær koma fram í golfreglunum 2008 – 2011.

2. Regla - Holukeppni

 

 

2-1. Unnin hola. Talning í holukeppni

Holukeppni felst í því að lið keppi við annað fyrirskipaða umferð nema nefndin ákveði annað.

Í holukeppni er keppt um holur. Þegar annað er ekki tekið fram í reglunum, vinnur það lið holuna, sem lék bolta sínum í holu í færri höggum. Í forgjafarkeppni vinnur

lægri nettóskor holuna Staðan í keppninni er látin í ljós með hugtökunum: svo og svo margar „holur upp“ eða „allt jafnt“ og svo og svo margar „eftir“. Lið er „í dvala“ („dormie“), þegar það er jafn margar holur upp og það á eftir að leika.

 

2-2. Jöfn hola

Hola er jöfn, ef bæði lið ljúka leik um hana með sama höggafjölda. Þegar leikmaður hefur leikið í holu og mótherji hans á eitt högg eftir til að jafna, og leikmaðurinn síðan bakar sér víti, telst holan jöfn.

 

2-3. Sigurvegari í holukeppni

Holukeppni er unnin þegar lið á fleiri holur unnar, umfram hitt liðið, en eru eftir óleiknar.

Sé jafntefli má nefndin, til þess að úrslit náist, framlengja fyrirskipaða umferð um þann holufjölda sem þarf til þess að ná fram úrslitum.

 

2-4. Gefin keppni, næsta hola eða högg

Leikmaður má gefa keppni, hvenær sem er áður en keppnin hefst eða henni lýkur.

Leikmaður má gefa holu hvenær sem er áður en leikur hefst um holuna eða honum lýkur.

Leikmaður má gefa, að mótherjinn hafi leikið í holu í næsta höggi, hvenær sem er, að því tilskildu að bolti mótherjans sé í kyrrstöðu. Mótherjinn telst hafa leikið í holu í næsta höggi og hvort liðið sem er má fjarlægja boltann.

Ekki má hafna slíkri eftirgjöf né draga til baka.

(Bolti yfir holubrún – sjá reglu 16-2.)

 

2-5. Vafi um aðferð; Ágreiningur og kröfur

Ef ágreiningur eða vafi kemur upp milli leikmanna í holukeppni má leikmaður setja fram kröfu. Sé enginn réttbær fulltrúi nefndarinnar tiltækur innan hæfilegs tíma, verða leikmennirnir að halda áfram leik án tafar.

Nefndin má aðeins taka kröfu fyrir hafi leikmaðurinn sem kröfuna gerir tilkynnt mótherja sínum (i) að hann leggi fram kröfu, (ii) staðreyndir málsins og (iii) að hann æski úrskurðar.

Kröfuna verður að leggja fram áður en nokkur leikmaður í keppninni leikur af næsta teig, eða ef um er að ræða síðustu holu í keppninni, áður en allir leikmenn í keppninni yfirgefa flötina.

Síðari kröfu má nefndin ekki taka til greina, nema hún byggist á staðreyndum áður ókunnum leikmanni þeim sem kröfuna gerir, og honum hafi verið gefnar rangar upplýsingar (regla 6-2a og 9) af mótherja.

Eftir að úrslit keppninnar hafa verið formlega tilkynnt má nefndin ekki taka fyrir síðari kröfu nema hún sé viss um að mótherjinn hafi viljandi gefið rangar upplýsingar.

 

2-6. Almennt víti

Víti fyrir brot á reglu í holukeppni er holutap, nema annað sé tekið fram.

Auglżsingar

 

Mynd augnabliksins

img_7865.jpg

Dagatal

« Desember 2017 »
SMÞMFFL
 12
3456789
10111213141516
17181920212223
24252627282930
31 

Į nęstunni

Engir višburšir į nęstunni

Póstlisti

Svęši

header
Hafa Samband
moya - Śtgįfa 1.14 2010 - Stefna ehfStefna hef - Moya